Trajneri i Atletico Madrid, Diego Simeone është duke u hetuar për gjestin e tij në ndeshje ndaj Juventusit, ndërsa Bianconerët mund të dënohen pasi u vonuan për tu kthyer në fushë në pjesën e dytë.
Ndeshja e parë e zhvilluar në Wanda Metropolitano u mbyll 2-0 në të mirë të spanjollëve.
UEFA e konfirmoi të hënën se procedurat disiplinore janë hapur ndaj Atleticos pasi shkallët kanë që të bllokuara në Wanda Metropolitano.
Po ashtu procedurë ka edhe për hedhjen e objekteve në fushë.
Diego Simeone është në procedurë për sjellje të pahijshme, lidhur me festën e tij, kur skuadra e tij kaloi në epërsi.
Juventusi akuzohet për rikthimin me vonesë në fushë pas pjesës së parë.
Megjithatë, Simeone mund ta shmangë dënimin për udhëtimin në Torino që është me 12 mars, nëse UEFA nuk e merr vendimin që është tani në dorë të Komisionit Disiplinor .
Ish-mesfushori i Interit dhe Lazio shkaktoi polemika me festimin e tij pasi Atletico kishte shënuar golin e parë në Ligën e Kampionëve ndaj Juves.
Edhe ka këmbëngulur se gjesti ‘erdhi nga zemra’, dhe se nuk e kishte për qëllim ta ofendonte askënd. /Telegrafi/