Shpallja e Rodrit si fitues i Topit të Artë 2024 shkaktoi reagime të shumta ku pati shumë prej tyre që besuan se mesfushori nuk e meritoi ta fitonte atë.
Në mesin e figurave të njohura që reaguan ishte edhe Toni Kroos, i cili personalisht përfundoi i 9-ti në renditjen përfundimtare të Topit të Artë.
Me të mësuar këtë rezultat, ai reagoi në rrjetet sociale duke shpërndarë një fotografi të renditjes.
“Uau, faleminderit shumë”, ishte mbishkrimi i tij në postimin e shpërndarë që duket se e ka lënë të çuditur legjendën gjermane.
Wow. Thanks a lot https://t.co/a3aJyNzusB
— Toni Kroos (@ToniKroos) October 29, 2024
Kroos gjithashtu reagoi edhe ndaj një postimi të gazetarit Fabrizio Romano në Instagram i cili kishte shtruar pyetjen se çfarë do të ndryshonit nga renditja përfundimtare e Topit të Artë.
“Ku do t’ia fillojmë”, ishte komenti që la Kroos në atë postim duke aluduar se ka shumë gabime në atë renditje.
Kujtojmë se ish-reprezentuesi gjerman ishte në mesin e lojtarëve që shprehën haptas mbështetjen për Vinicius dhe ishin të mendimit se ai e meritonte ta fitonte Topin e Artë./Telegrafi/