Një grup i mamive nga spitali i universitetit Emori Midtown në Atlanta, janë shkarkuar pasi që janë filmuar duke u tallur me nënat dhe kërkesat e tyre – e videoja shpejt u bë virale.
Në video që ndërkohë u shlye nga profili ku rrodhi fillimisht, por që sërish u publikuar në profile tjera, mamitë qeshin dhe shpërndajnë kërkesat e pacienteve që sipas tyre u thonë se u “japin kokëdhembje”, transmeton Telegrafi.
Një prej tyre thotë se urren kur nënat i pyesin sa peshon foshnja, e tjera nuk e duron faktin që gratë para lindjes ankohen se janë të uritura dhe etura, kurse e treta kritikon nënat që pretendojnë se kanë dhimbje akoma pa filluar procesi i lindjes.
E qytetarët nëpër komente kanë shprehur mllef dhe zhgënjim, me mungesën e edukatës së tyre që kanë cenuar privatësinë e pacienteve.
Gratë që kanë përjetuar trauma gjatë lindjes kanë pranuar se po ndihen keq pas publikimit të videos, derisa qindra tjera kritikuan ashpër mamitë.
Në anën tjetër, spitali ku mamitë gjatë 8 dhjetorit publikuan videon në Facebook, ka njoftuar se janë shkarkuar që të gjitha.
“Jemi të vetëdijshëm që videoja përmban komente joprofesionale për pacientet”, thuhet në kumtesën e menaxhmentit të spitalit. /Telegrafi/