Një video e sapo rrjedhur e Marinës duket se tregon një objekt fluturues të paidentifikuar duke u zhdukur në ujë pranë Kalifornisë, sipas një videoje të marrë nga një prodhues dokumentarësh dhe i ndarë me NBC News.
Sipas mediave të huaja, përcjell Telegrafi, pamjet u kapën në korrik të vitit 2019 nga avionët e Marinës dhe u regjistruan në Qendrën Informative të Luftimit të SHBA-së, sipas kineastit, Jeremy Corbell.
Dhe sipas NBC News, videoja duket se tregon një objekt sferik që fluturon mbi ujë për disa minuta pranë San Diego para se të zhduket.
“U përplas në ujë”, mund të dëgjohet personeli ushtarak duke thënë në video.
Departamenti i Mbrojtjes konfirmoi se klipi u regjistrua nga personeli i Marinës dhe tha se do të rishikohet nga Task Forca e Pantagonit për Fenomenet e Panjohura Ajrore, një panel i themeluar vitin e kaluar për të “marrë njohuri” për “natyrën dhe origjinën” e objekteve të tilla.
Një nga pilotët, Dave Fravor, tha për “60 Minutes” se personeli gjeti një “objekt të vogël të bardhë me pamje Tic-Tac” duke lëvizur mbi ujë para se të zhdukej. Sekonda më vonë, anija e tij – USS Princeton – tha se objekti u rishfaq në radarin e tij 60 milje larg.
Ndërsa Christopher Mellon, një zyrtar i lartë i mbrojtjes në administratat e Klintonit dhe George W. Bush, tha në një intervistë se kishte “shumë vazhdimësi” midis raporteve të fundit të objekteve të paidentifikuara dhe raporteve që datojnë për dekada. /Telegrafi/