Ministrja e Drejtësisë, Albulena Haxhiu, ka reaguar pas kritikave të opozitës lidhur me zjarrin që përfshiu dy ditë më parë Institutin e Mjekësisë Ligjore.
Në seancën e Kuvendit të enjten, ajo ka kërkuar që pa asnjë vonesë të themelohet një komision hetimor në lidhje me këtë rast.
Kjo pasi siç ka thënë ministrja, në këtë mënyrë opozita ndihmon IML-në dhe Kosovën.
Haxhiu tutje është shprehur se krimi është aq i madh në këtë institucion, sa që sipas saj, vetëm përmes një komisioni hetimor do të mund të bëhej zbardhja e tyre.
“Ndonëse hetimet preliminare thonë që zjarri ka ndodhur sepse ka pasur një defekt në sistemin elektrik. Unë pajtohem me ata që duket pak e besueshme. Kjo sepse jo rrallë herë ka pasur situata kur IML është përballur me skandale të shumta”, ka thënë ajo para deputetëve. /Telegrafi/