Tre yjet e mëdhenj të Real Madridit, Marcelo, Isco dhe Gareth Bale do të largohen nga klubi mbretëror pa kompensim verën e ardhshme, pasi klubi nuk ka në plan të vazhdojë kontratën e tyre, shkruajë mediat spanjolle.
Fillimisht flitet se do të largohet kapiteni i parë aktual, pasi nuk ka minuta – por braziliani Marcelo do të vazhdojë karrierën te Fluminense, klubi ku është rritur.
Marcelos i skadon kontrata me Realin në vitin 2022, ashtu sikurse kontratat e Iscos dhe Gareth Bale.
Atyre nuk do tu vazhdohen kontratat, çka do të thotë se treshja e lartpërmendur, e cila ka arritur suksese të mëdha në këtë klub, do të duhet të kërkojë një ambient të ri pa dëmshpërblim.
Ende nuk dihet nëse Bale do ta vazhdojë karrierën si futbollist, duke qenë se vitet e fundit ka qenë më i fokusuar në golf, ndërsa Isco mund ta vazhdojë karrierën në Serie A, madje janë përmendur edhe klube nga Anglia. /Telegrafi/