Deklaratat e Nikolla Dimitrovit nuk ndihmojnë, thotë zëdhënësi i qeverisë greke, Dimitris Tzanakopoulos një një intervistë për TV ERT, duke i komentuar qëndrimet që dje i dha shefi i diplomacisë së Maqedonisë, pas takimit me Maathew Nimetz.
“Udhëheqësia politike e IRJM-së, muajt e fundit ka ndryshuar disa deklarata nga e kaluara, ka miratuar një pozitë më të matur dhe kjo ka ndihmuar që negociatat dhe bisedimet të shkojnë përpara dhe të krijohet klimë e mirë mes dy vendeve. Mendoj se deklaratat e Dimitrovit gjatë negociatave nuk kanë ndihmuar në këtë drejtim, pasi për këto tema kanë biseduar Tsipras dhe Zaev dhe ekzistojnë kërkesa konkrete”, tha Dimitris Tzanakopoulos.
Ai gjatë emisionit ka thënë që më mirë do të ishte që të mos parashikohen rezultatet e bisedimeve dhe të mos kalohen vijat e kuqe./Telegrafi/