Tyson Fury po përballet me një periudhë të vështirë, pas shpalljes kampion në peshat e rënda duke mooshtur Deontay Wilderin për titullin WBC.
Zyrtare të anti-dopingut thuhet se kanë filluar hetimet ndaj The Gypsy King dhe kushëririt të tij Hughie Fury që thuhet se i kanë ofruar 25 mijë funte një personi vetëm që të mos tregoj se ata kanë dështuar në testet kundër përdorimit të substancave narkotike në vitin 2015.
Testet për anti-doping pritet të zhvillohen pasi të qetësohet situata nga coronavirusi dhe boksieri britanik mund të marrë një ndëshkim të dytë nga Federata Ndërkombëtare e Boksit.
Daily Mail raporton se një fermer nga Lancashire, Martin Carefoot, ka thënë se Fury i kishte kërkuar atij substanca narkotikëve, në shpërblim të 25 mijë funteve, mirëpo të gënjente se i kishin kërkuar mish derri dhe lope.
Kampioni në fuqi i peshave të rënda do të dalë së bashku me kushëririn e tij para gjykatës dhe të përballen me akuzat e fundit.
Në rast se shpallen fajtor dhe anti-dopingu gjen se ata me të vërtetë kanë fshehur analizat për vitin 2015, atëherë jo vetëm që do të gjobiten, por edhe do të suspendohen nga boksi për tetë vite. /Telegrafi/
