Kanë kaluar shtatë muaj qëkur disa adhurues të boksit thoshin se Tyson Fury e kishte merituar fitoren ndaj Deontay Wilderit në përballjen që u zhvillua në Los Angeles.
Britaniku u rrëzua dy herë nga amerikani, por shumëkush, duke i përfshirë edhe mediat britanike, kanë thënë se ‘Gipsy King’ e ka merituar fitoren, mirëpo juria e gjyqtarëve e vendosi meçin me barazim.
Edhe pse i erdhi shansi menjëherë për rimeç, Fury vendosi që të bënte një pushim, e që më pas u përball me Tom Schwarzin, duke e nokautuar qysh në raundin e dytë.
Deontay Wilder do të ketë punë me Luis Ortizin më 28 shtator të këtij viti, gjersa në vitin 2020 do ta ketë përballë ‘Gipsy Kingun’.
Tyson Fury ka konfirmuar se përballja me ‘Bronze Bomber’ do të zhvillohet më 22 shkurt të vitit të ardhshëm, e që nga aty do ta kërkojë rikthimin në majat e boksit.
Boksieri anglez pritet që në tetor të këtij viti të përballet me Jarrell Miller, që ishte fillimisht kundërshtar i Antyhony Joshuas, mirëpo rezultoi pozitiv në testet e antidopingut.
Të dy boksierët do të shpresojnë që t’i mposhtin kundërshtarët e radhës, në mënyrë që të jenë të motivuar për rimeçin mes tyre. /Telegrafi/
‼️✅ Tyson Fury has now declared that the Deontay Wilder rematch is “confirmed and signed” for February 22nd. He also promised a more conclusive result second time around.
[🎥 Scott Graves – YT] pic.twitter.com/wreyx5Ug90
— Michael Benson (@MichaelBensonn) July 7, 2019