Rrjeti social Twitter u mbush të premten nga shakatë për romancën e Pete Davidsonit dhe Kim Kardashianit pasi u raportua se dyshja u ndanë.
Çifti, i cili u takua në xhirimet e “Saturday Night Live” vjeshtën e kaluar, thuhet se u ndanë për shkak të orareve të tyre të ngjeshura që i detyronin ata të hynin në një lidhje në distancë, shkruan DailyMail.
“Ata kanë shumë dashuri dhe respekt për njëri-tjetrin, por zbuluan se distanca e gjatë dhe oraret e tyre të vështira e bënë vërtet të vështirë ruajtjen e një marrëdhënieje”, tha një burim i brendshëm për E! News.
Përdoruesit në rrjetin social nuk ishin shumë të sjellshëm me çiftin, me disa që parashtronin pyetje se si ata kanë qenë ndonjëherë bashkë në radhë të parë.
“Kontrata patetike e marifeteve të Kim Kardashianit dhe Pete Davidsonit skadoi”, shkroi një komentuese në Twitter.
Një tjetër bëri shaka duke thënë se marrëdhënia ishte një eksperiment i përpunuar shoqëror, duke shkruar: “Mirëmbrëma, marrëdhënia midis Pete Davidsonit ishte një studim sociologjik 24 muajsh i kryer nga Universiteti Columbia. Tani jemi të kompletuar me studimin tonë. Faleminderit për kohën tuaj”.
Disa njerëz në Twitter u shprehën se e shihnin këtë si një përfundim të pashmangshëm të marrëdhënies mes humoristit 28-vjeçar dhe 41-vjeçares.
“Pse jam i shokuar që Pete Davidson dhe Kim Kardashian u ndanë, kur e dija se nuk do të zgjaste”, shkroi një tjetër.
“Lajm befasues! Kim Kardashian dhe Pete Davidson janë ndarë zyrtarisht. Më befasuese: Kam ngrënë një sandwich për drekë”, ka shkruar një tjetër.
LizaMinnelliOutlives, një llogari satirike që publikon në Twitter për gjërat që jeton këngëtarja dhe aktorja Liza Minnelli, shkroi në Twitter: “Liza Minnelli e ka mbijetuar marrëdhënien e pashpjegueshme të Pete Davidsonit dhe Kim Kardashianit. Të dy janë ndarë pas nëntë muajsh. Nuk ka ende asnjë informacion se kur do të kthehen së bashku”.
Anëtarët e komunitetit në Twitter e mëshironin Davidsonin, me një shkrim: “Pete Davidson me të vërtetë bëri një tatuazh të Kim Kardashianit dhe të gjithë fëmijëve të saj vetëm për t’u larguar”.
Tifozët e tjerë e panë ndarjen si një lloj çlirimi për humoristin Davidson me një postim në Twitter, duke shkruar: “Fshih vajzat, fshih gratë… Pete po vjen për to”.
Ndërsa Kardashian dhe Davidson ishin dy yjet në qendër të lajmeve, ishte një lojtar më periferik në jetën e tyre që mori shumë përmendje.
Shumë fansa bënë shaka për ish-bashkëshortin e Kim Kardashian, Kanye West, që po vinte për ta rikthyer atë. Dyshja ishin të martuar nga viti 2014 deri në fillim të këtij viti.
“Kanye duke parë që Pete Davidson dhe Kim Kardashian u ndanë”, shkroi njëri me një ‘screenshot’ të këngës së tij “Amazing” në Spotify.
“Kanye jashtë shtëpisë së Kim Kardashianit pasi Pete Davidson e la atë”, shkroi një përdorues krahas një fotografie të personazhit të ‘The Regular Show’, Rigby, duke mbajtur një kuti mbi kokën e tij.
Një tjetër person publikoi një video me një burrë që qëndronte në rrugë duke bërtitur me komentin: “Kanye jashtë shtëpisë së Kimit”.
“Kanye West pasi dëgjoi lajmet për ndarjen e Kim Kardashianit dhe Pete Davidsonit. Djali im diku fërkon duart si njeriu i shpendëve”, me një fotografi të ish-yllit të futbollit Anthony Adams që fërkon duart me një kostum elegant të verdhë. /Telegrafi/