Regjisori David Lynch ka konfirmuar se nuk do të drejtojë vazhdimin e serialit “Twin Peaks” për shkak të buxhetit të vogël.
69-vjeçari ka njoftuar përmes Twitterit se producentët nuk kanë dhënë mjaft të holla për të realizuar skenarin siç e ndjen se duhet të bëhet.
“Twin Peaks” është seriali hit i viteve të nëntëdhjeta, i krijuar nga Lynch, ndërsa Showtime ka vendosur që ta rikthejë dhe janë në bisedime tashmë një vit e gjysmë, transmeton Koha.net.
Nuk dihet ende se a do të vazhdojë Showtime me realizimin edhe pa regjisorin Lynch, por thuhet se e duan shumë botën e “Twin Peaks” dhe do të bëjnë të pamundurën ta sjellin në ekran.