Në një restorant të Xhakartës në Indonezi, është fotografuar një familje e pasur teksa hante drekë, ndërsa shërbëtorja e tyre rrinte në tavolinën ngjitur.
Madje, ajo nuk kishte përpara ushqim dhe qëndronte duke shikuar rrotull, transmeton Telegrafi.
Këtë skenë e ka fotografuar Michael Fanny dhe e ka postuar në Facebook, së bashku me përshkrimin.
“Shërbëtorja është pjesë e jetës suaj, e cila reflekton njerëzinë që keni. Paramendojeni vetën në pozitën e saj, pa bukë, pa para dhe pa telefon për të shikuar në të”, ka shkruar ai për këtë rast.
“Ne duhet të respektojmë shërbëtoret, pastrueset, rojat, shoferët… ata janë pjesë e jetës sonë dhe nesër mund të jemi në vend të tyre”.
Postimi tij është shpërndarë më se 60 mijë herë, kurse komentet e turpërojnë dhe flasin negativisht për këtë familjarë që mbeten të paemëruar.
“Respekt për ‘pembantu’ që nënkupton shërbëtoren”, është thurja që po e shoqëron këtë rast të dallimeve shoqërore. /Telegrafi/
