Trajneri i kombëtares së Malit të Zi, Ljubisha Tumbakovic ka publikuar listën e lojtarëve që ka ftuar për ndeshjes e radhës në kuadër të kualifikueseve për kampionatin evropian të vitit 2020.
Strategu ka ftuar disa prej yjeve kryesore të skuadrës si dhe disa prej lojtarëve me perspektiv të futbollit malazez.
Ai ka folur për mediat vendore duke treguar se përse ka zgjedhur të ftoj këta lojtarë pas kritikave të analistëve sportivë.
“Pas tubimit të marsit, ne kemi bërë tre ndryshime, megjithatë, me ne janë Saviçevic, Haksabanovic dhe Lagator, me të cilët kemi shtuar cilësitë në ekip. Paraqitjet e vazhdueshme në ekipet e tyre në muajt e fundit kanë bërë që ftohen për këto dy ndeshje”, tha Tumbakovic.
Eksperti me përvojë thekson se Malin e Zi e presim dy ndeshje shumë të vështira – Kosova dhe Republika Çeke.
“Të gjitha ndeshjet e ardhshme kanë një cak . Ashtu sikurse edhe në herën e fundit, do të ishim të kënaqur po të shënonim fitoren në Bullgari. Megjithatë, kjo nuk ka ndodhur dhe tash nuk e kemi luksin e humbjes së pikëve. Në qershor, na presim dy ndeshje shumë të rëndësishme, për herë të parë kundër Kosovës në shtëpi dhe si mysafir të Republikës Çeke. Ne do të përpiqemi, me gjithë problemet që kemi në ekip, të përgatitemi sa më mirë që është për kërkesat e ndeshjeve të ardhshme”, ka thënë trajneri, i cili ka ftuar edhe sulmuesin pejan, Fatos Beqirajn.
Ndryshe, Mali i Zi do të mirëpres “Dardanët” në Podgoricë më 7 qershor ndërsa tri ditë më vonë do të udhëtoj drejt Pragës, ku do të takohet me çekët. /Telegrafi/