Studentja dhe aktivistja Ivana Tufegxhiq, e cila gjendet në Listën për deputetë në njësinë zgjedhore 1, në statusin, koalicion me qytetarët, në një intervistë për Faktor ka folur rreth reagimeve të fundit pas publikimit të saj në Listë nga ana e LSDM-së, përcjell Telegrafi Maqedoni.
Tufegxhiq shpjegon se koncepti për aktivistë qytetarë të Listave partiake është i ri dhe për herë të parë zbatohet në Maqedoni, por vlerëson se është thelbësore për freskinë, për rëndësinë e qytetarëve në këtë luftë, si dhe për konceptin e qeverisë së ardhshme, por edhe modernizimin e partive.
‘Gjithsesi se ka pasur reagime. Ka reagime pozitive dhe negative. Komunikata e Plenumit Studentor është krejtësisht normale, unë vlerësoj se ajo lëvizje patjetër të mbetet jo-partiake pa dallim aktiviteteve dhe angazhimeve të individëve të cilët janë ose ishin pjesë nga Plenumi Studentor. Pjesa më e madhe e reagimeve vijnë rreth moshës sime…Mosha ime e re nuk do të thotë jopërgjegjësi dhe joseriozitet dhe deri më tani këtë shumë herë e kam thënë. Kritikat kuptohet janë gjithnjë e më shumë të mirëseardhura, prandaj edhe për këtë luftojmë, për kritikë dhe dialog’, ka thënë ndër të tjera në intervistë Tufegxhiq. /Telegrafi/