Temperaturat e ulëta janë arsyeja pse shoferët në TikTok diskutojnë për mënyrën më të mirë të shkrirjes së xhamit të përparmë, e një TikTokere e ka shpërndarë një video që është bërë virale.
TikTokerja @saradeutsch ka shpërndarë një “truk” që është shumë i thjeshtë dhe nuk kërkon diçka speciale, madje as të dilni nga vetura, kurse të gjithë janë habitur me të, transmeton Telegrafi.
“Këtë video e bëjë çdo vit. Kur xhami i juaj i përparmë është ngrirë, gjithqysh ulni mbrojtëset kundër rreze të diellit, në mënyrë që ajri i nxehtë që del nga klima të shkojë direkt në xham dhe të shkrihet më shpejt”, dëgjohet duke thënë ajo, si një këshillë për të gjithë shoferët e në veçanti për ata që kanë më pak përvojë.
Videoja ka marrë 3.7 milionë shikime dhe mbi 276 mijë pëlqime, e TikTokerët ishin shumë të kënaqur me efektin e këtij veprimi.
“Pas 32 viteve e mësova këtë”, tha një përdorues i këtij rrjeti sociale, derisa një tjetër pranoi se “gjatë 48 viteve përvojë si shofer, kurrë nuk kishte parë diçka të tillë”. /Telegrafi/