Dua Lipa ngeli e tronditur pasi fansat u futën fshehurazi në hotelin ku po qëndronte dhe prisnin jashtë dhomës që ka rezervuar.
Këngëtarja, 29 vjeçe, kishte qëndruar në Ritz-Carlton në Santiago, Kili, pasi kishte udhëtuar për në Amerikën e Jugut për të realizuar një reklamë.
Sipas The Sun, fansat u gjetën duke pritur artisten shqiptare jashtë derës së dhomës së saj, ndërsa të tjerët u gjetën gjithashtu në hotel.
“Një grup fansash fituan akses jo vetëm në katin e hotelit të saj, por disa u gjetën jashtë dhomës”, tha një burim.
“Siguria përfundoi duke bërë një spastrim shtesë dhe kishte shumë fansa që prisnin në ashensor. Dua tha se nuk do të bënte fotografi brenda hotelit”, thuhet më tej.
Dua do të rikthehet në skenë në mars me pjesën e dytë të turneut në kuadër të albumit “Radical Optimism”.
Nga ana tjetër, pak javë më parë u raportua se ylli i famshëm është fejuar me aktorin Callum Turner, 34 vjeç.
“Dua ka pasur një nga vitet më të mira të karrierës së saj në aspektin profesional dhe kjo është qershia mbi tortë”, theksoi një burim.
“Callum është një mbështetje kaq e fortë për Duan dhe ata janë një çift i mrekullueshëm. Familja dhe miqtë e tyre janë shumë të lumtur”. /Telegrafi/
