Gjermania, Danimarka dhe Norvegjia kanë thënë se do të shpenzojnë 92 milionë euro për të blerë 16 obusa sllovakë Zuzana-2 për Ukrainën, tha ministria gjermane e mbrojtjes.
Armët, të cilat mund të gjuajnë gjashtë predha në minutë në një distancë prej 40 kilometrave, do të ndërtohen në Sllovaki, derisa dorëzimi do të fillojë vitin e ardhshëm, tha ministria, transmeton Telegrafi.
Ukraina, e cila ka shënuar suksese të dukshme në fushën e betejës kundër Rusisë në javët e fundit, thotë se ka nevojë për më shumë armatime dhe më të rënda për të zmbrapsur pushtimin që Moska filloi në shkurt.
Më herët u raportua se Rusia kishte goditur me një dron vetëvrasës qytetin e lindjes së presidentit ukrainas Kryvyu Rih në jug të Ukrainës.
Just signed agreement with #Denmark🇩🇰 #Germany🇩🇪 #Norway🇸🇯 who will fund production of 16 state-of-art 🇸🇰 #Zuzana2 howitzers for #Ukraine🇺🇦 worth 92 million euros. @DefenceU @Slovakia_NATO @mfMorten @NATO #WeAreNATO #StrongerTogether2022 pic.twitter.com/1TiJ2iH1l7
— Jaro Nad (@JaroNad) October 2, 2022
Në javët e fundit Rusia ka filluar të përdorë dronë vetëvrasës të prodhuar nga Irani për të sulmuar objektivat në Ukrainë.
“Dronët kamikaze”, të cilët fluturojnë në lartësi të ulët dhe shpërthejnë nga përplasja, janë përdorur në Ukrainë. /Telegrafi/