Java e 12-të ne elitën e futbollit kosovar ka filluar me dy ndeshje që u zhvilluan ditën e shtunë.
Në fakt ishin dy fitore për skuadrat vendase Vushtrrinë e Drenicën që mposhtën Llapin respektivisht Feronikelin.
Ditën e sotme (e diel) janë në program të zhvillohen tri ndeshje të tjera.
Lideri aktual i Superligës, Gjilani që e ka fushën e dënuar, do të luaj në Drenas përballë Trepçës ’89.
Skuadra e Mezanit synon që të vazhdoj me fitore për ta ruajtur pozitën e parë në tabelë, ndërsa 89-shi kërkon ta befasoj përsëri siç bëri në xhiron e parë.
Ndeshje interesante pritet të zhvillohet edhe në Ferizaj ku përballë janë fqinjët Ferizaj dhe Drita.
Ferizaj në kërkim të pikëve për t’i ikur fundit pret Dritën që kërkon të rikthehet te fitorja pas humbjes nga Prishtina.
Ndeshja tjetër e ditës së sotme do të zhvillohet në Therandë, ku Ballkani pret Dukagjinin e Klinës.
Të trija takimet e ditës së sotme zhvillohen me fillim nga ora 14:00. /Telegrafi/