Majlinda Kelmendi, Distria Krasniqi dhe Nora Gjakova janë kualifikuarnë finale të garave të tyre në xhudo në Grand Slamin që po mbahet na Abu Dhabi.
Distria arriti që të kalojë në finalen deri 48 kilogramë.
Krasniqi ka mposhtur Paula Preton nga Argjentina e cila u ndëshkua tri herë me karton të verdhë.
Majlinda Kelmendi në meçin e mëparshëm të saj arriti të kualifikohet në finalen deri 52 kilogramë duke tejkaluar edhe një lëndim në hundë.
Edhe Nora Gjakova🇽🇰 në finalen e Grand Slamit #AbuDhabi2018. Kampionia e Evropës, në gjysmëfinale mposhti me ippon Ling Chen Lien të Taipeit, kategoria -57 kg. Në finale takohet me rusen, Anastasia Konkina. I urojmë shumë suksese Norës.#JudoAbuDhabi2018 @IntJudoFed @KosovaJudo pic.twitter.com/SvTmbKrPU4
— NOC KOSOVO 🥇🥇🥇 (@NOCKOSOVO) October 27, 2018
Ndërkaq, Nora Gjakova kaloi në finale pasi mposhti Chen-Ling Lien për të siguruar kështu një plasman në finale dhe një medalje të sigurtë.
Ajo fitoi me Ippon ndaj kundërshtares dhe tash pret në finalefituesen e duelit Autommne Pavia – Anastasiia Konkina.
Të trija finalet e xhudisteve shqiptare të Kosovës zhvillohen nga ora 17:00.
Edhe Distria Krasniqi🇽🇰(-48 kg) ndodhet në finalen e Grand Slamit të xhudos, #AbuDhabi2018. Xhudistja jonë mposhti në gjysmëfinale kampionen Olimpike nga RIO 2016, argjentinasen, Paula Pareto. Në finale, Distria takohet me U. Munkhbat të Mongolisë. I urojmë fat.#JudoAbuDhabi2018 pic.twitter.com/nhCw3FeSKo
— NOC KOSOVO 🥇🥇🥇 (@NOCKOSOVO) October 27, 2018
Kosova do të dalë sigurt me tri medalje nga këto tri finale, e në rastin më të keq me tri medalje të argjendta, por të trija xhudistet do të luftojnë për medalje të arta duke bërë krenarë gjithë vendin. /Telegrafi/
