Një aksident mes tre automjeteve ka ndodhur mbrëmjen e sotme në qendër të Pejës , tek semaforët, pranë Hotelit ‘Gold’.
Burime nga vendi i ngjarjes thonë se në aksident ka persona të lënduar, të cilët janë transportuar me autoambulancë për trajtim mjekësor.
Policia ka dalë në vendin e ngjarjes për të hetuar shkaktarët, që kanë çuar tek ky aksident.
Gjatë ditës, Policia Rajonale e Pejës, nëpërmjet zëvendësdrejtorit, Veton Elshani, ka apeluar tek ngasësit për kujdes të shtuar në trafik për shkak të kushteve të rënda atmosferike, raporton Radio1.