Trevor Noah ka folur për herë të parë për thashethemet se ai po takohet me sensacionin britanik të popit, Dua Lipa – dy muaj pasi dyshja u fotografuan duke u përqafuar në New York.
Prezantuesi i The Daily Show, 38 vjeç, dhe këngëtarja e “Hotter Than Hell”, 27-vjeçare, u panë të afërt me njëri-tjetrin pas një darke në East Village, dhe Trevor tha se ishte i tronditur kur kishte parë fotografitë.
Kur u pyet për romancën e supozuar nga The Hollywood Reporter, ylli qeshi përpara se të komentonte rreth spekulimeve duke thënë: “Është e mahnitshme për mua se sa të fuqishme janë këto gjëra”.
Ai vazhdoi të detajojë një situatë të ngjashme kur u fotografua duke përqafuar një shoqe të martuar gjatë verës pasi u nda nga Minka Kelly.
Trevor tha se anëtarët e familjes kishin telefonuar burrin e mikeshës së tij duke pretenduar se ai kishte një lidhje me të.
Intervista vjen pasi Dua dhe Trevor dukej se kishin nisur një raport intim teksa e mbyllën mbrëmjen me një puthje romantike dhe një përqafim të ëmbël përpara se të shkonin rrugët e tyre të ndara.
“Ata ishin ulur në heshtje larg nga të gjithë të tjerët në restorant. Ishte e qartë se ata ishin të lidhur me njëri-tjetrin dhe u ulën pranë gjatë gjithë darkës. Ata u larguan së bashku dhe ecën, duke u ndalur për përqafime të gjata dhe në puthjen e dytë me përqafim”, kishte deklaruar një burim për DailyMail atë kohë.
Spekulimet e romancë së re vijnë ndërsa Trevor po largohet nga The Daily Show pas shtatë vitesh në krye, gjatë të cilave shikueshmëria e shfaqjes argëtues ra në mënyrë dramatike.
Dua dhe Trevor nuk kishin dhënë asnjë sinjal të mëparshëm për një romancë të mundshme. Nata e takimit të tyre vjen pasi të dy u ndanë nga partnerët me të cilët kishin rreth dy vjet të lidhur.
I dashuri më i fundit afatgjatë i Duas ishte modeli Anwar Hadid, 23 vjeç, vëllai i vogël i Gigi dhe Bella Hadid.
Të dy thuhet se filluan të takoheshin në qershor të 2019-ës, pak pasi ajo u nda nga i dashuri i saj i mëparshëm.
Në fillim të pandemisë së vazhdueshme të coronavirusit, të dy madje u karantinuan së bashku.
Por të dy thuhet se u ndan dhe më pas u ribashkuan disa herë gjatë gjithë marrëdhënies, dhe ata kishin vështirësi deri në fund të vitit 2021 për shkak të agjendës së udhëtimit që i mbante të ndarë. Dyshja u ndan përfundimisht në dhjetor të vitit të kaluar.
Para lidhjes së saj me Anwarin, Dua ishte në lidhje me kuzhinierin dhe modelin Isaac Carew nga viti 2015 deri në fillim të vitit 2017.
Lidhja më e fundit serioze e Trevor ishte me aktoren Minka Kelly. Në shtator 2020, u raportua se ata ishin takuar për disa kohë, madje ishin në karantinë së bashku në fillim të pandemisë.
Ata e ndërprenë marrëdhënien e trazuar në maj 2021, vetëm për t’u parë përsëri së bashku më vonë atë muaj, por ajo u shua në maj të këtij viti. /Telegrafi/