Trepça ’89 ka fituar me rikthim përballë Gjilanit në stadiumin “Riza Lushta” në Mitrovicë duke arkëtuar pikë të rëndësishme për mbijetesë.
Shend Kelmendi i kaloi mysafirët në epërsi me një gol të bukur të shënuar nga largësia (18’) dhe ky ishte goli i vetëm i realizuar në pjesën e parë.
Në gjysmën e dytë, skuadra vendase përmbysi gjithçka duke realizuar dy gola. Fillimisht, Arbnor Muja e barazoi rezultatin me një gol të shënuar brenda zonës (56’).
I njëjti futbollist e realizoi edhe golin e fitores, por kësaj radhe duke e paraboluar portierin Shkëlzen Ruçi (68’).
Falë kësaj fitoreje, Trepça ’89 ka një pikë më shumë se Feronikeli që ndodhet në zonën e barazhit për të rënë nga elita.
Gjilani e ka të siguruar mbijetesën, derisa nuk ka ndonjë objektiv në xhirot e mbetura. /Telegrafi/