Dy vite më parë, në Parkun e Gërmis u vendos treni i quajtur ekologjik, për të parë se sa mund të funksiononte nëse veturave do t’u ndalohej hyrja, raporton 038 i KTV-së.
Por, që nga ajo kohë, ai tren nuk u pa më aty, pasi përfundoi në garazhin e trafikut urban.
Vizitorët thonë se treni nuk ishte ekologjik dhe Komuna e Prishtinës nuk po bën asgjë për të ruajtur ndotjen e ambientit.
Tash e disa javë ka filluar të zëvendësohet laura e vjetër me një të re, e cila do të regjistrojë çdo veturë që hyn në këtë park. Kjo, sipas vizitorëve, është një zgjidhje e mirë për mos keqpërdorime, por ndalimi i veturave do të ishte zgjidhje më e mirë.
Ata të cilët përfituan më se shumti me këto ndryshime janë taksistët, të cilët gjithmonë ankoheshin që detyroheshin të paguanin një euro për të hyrë në park.
Drejtori i ri shërbimeve publike, Gent Begolli, thotë se këto ndryshime po bëhen për t’ju ikur keqpërdorimeve.
Komunarët patën premtuar se do të shtrenjtojnë çmimin për vetura, që vizitorët të udhëtojnë me tren. Por, as kjo nuk ka ndodhur. Sipas Begollit, nuk është vendosur ende a do të shtrenjtohet çmimi pas këtyre ndryshimeve në Parkun e Gërmisë.
