Tre persona u vranë dhe disa të tjerë u plagosën herët të dielën kur të shtënat me armë shpërthyen në një festë private në Arkansas, tha policia.
Oficerët gjetën disa viktima kur arritën në vendngjarje pranë zonës në qendër të qytetit Jonesboro rreth orës 5 të mëngjesit, tha policia e Jonesboro, shkruajnë mediat e huaja, përcjell Telegrafi.
Një burrë dhe një grua, për të cilët policia tha se ishin të njohur të sulmuesit, u vranë, tha policia.
Ata shtuan se edhe vrasësi ka vdekur.
E plagosur ka mbetur edhe një grua tjetër, e cila ka qenë edhe e njohur për autorin.
Të plagosur janë tre persona të tjerë që nuk kishin lidhje me autorin.
Një person i pestë u dërgua gjithashtu në spital me lëndime të marra nga të shtënat, tha policia të dielën pasdite.
Policia nuk ka thënë se çfarë mund të ketë çuar në të shtënat – dhe nuk ka dhënë informacione mbi njerëzit që u dërguan në spital. /Telegrafi/