Tre presona kanë qenë cak i një mashtrimi nga një person tjetër lidhur me përfitimin e disa granteve.
Rasti ka ndodhur në Graçanicë, njofton policia përmes raportit 24 orësh.
Tre personat që ishin pre e mashtrimit kanë deklaruar në polici se i dyshuari u kishte marrë para në këmbim të përfitimit të granteve.
“Tre ankues meshkuj kosovarë kanë informuar se janë mashtruar nga i dyshuari mashkull kosovar, i cili u kishte marr para në këmbim që ata të përfitonin grante nga një ministri e Republikës së Kosovës. Vlera e pareve të marra nga i dyshuari, është mbi 30 mijë euro”, njofton policia.
I dyshuari gjendet në arrati, kurse rasti është duke u hetuar.
Raportohet se i dyshuari u kishte premtuar grante të ndryshme nga Ministria për Komunitete dhe Kthim në Qeverinë e Kosovës, duke pretenduar se kishte lidhje me këtë ministri. /Telegrafi/