Pele raportohet se është liruar nga spitali pas një infeksioni në traktin e urinimit.
Legjenda 81-vjeçare ishte shtrirë në spitalin e Sao Paulos “Albert Einstein” më 13 shkurt për tretmanin e një tumori në zorrë.
Doktorët zbuluan një infeksion në urinim pasi që ai u shtri në spital, por të hënën ai tregoi që problemi është zgjidhur.
“Gjendja klinike e pacientit është stabile dhe ai është shëruar nga ky infeksion. Ai do të vazhdojë tretmanin e tij në tumorin e zorrës, i cili iu identifikua në shtator të vitit 2021”, thuhej në komunikatë.
Mjekët identifikuan infeksionin urinar gjatë qëndrimit të tij dhe e mbajtën atë në më shumë seç ishte planifikuar.
Pele ka kryer kimioterapi për të trajtuar tumorin që u gjet gjatë ekzaminimeve rutinë në fund të gushtit.
Ai u vendos për një kohë të shkurtër në kujdes intensiv menjëherë pas operacionit në zorrën e trashë dhe që atëherë është rikuperuar.
Ai doli nga spitali më 30 shtator, pothuajse një muaj pasi ishte shtruar në spital, por që atëherë ka kaluar më shumë ditë në spital.
81 vjeçari në të kaluarën ishte shtrirë në spital për tretman në tumorin e tij në zorrë më 8 dhjetor, para se të lirohej nga spitali më 23 dhjetor. /Telegrafi/