Timothy Weah ka mbërritur në Torino ku do tu nënshtrohet testeve mjekësore te Juventusi.
Ai u përshëndet në aeroportin Caselle nga një grup i vogël tifozësh dhe figurash mediatike, përpara se të futej në një automobil nga përfaqësuesit e Juventusit.
Ka qenë një udhëtim i gjatë për sulmuesin e krahut, nga Nju Jorku në Paris, më pas në Milano dhe në fund me një avion privat në Torino.
Timothy Weah è arrivato a Torino 🛬 pic.twitter.com/dECjP2Jo7u
— JuventusFC (@juventusfc) June 28, 2023
Ai do të jetë për testet mjekësore nesër në kampin stërvitor Continassa.
Juve ra dakord për 12 milionë euro me LOSC Lille për 23-vjeçarin, i cili nuk është i huaj për Italinë, pasi babai i tij është ish-legjenda e Milanit, George Weah.
Ai është nënshkrimi i parë për Bianconerët për këtë verë.
Weah bëri 32 paraqitje për Lille këtë sezon, duke kontribuar me dy asistime, por duke mos shënuar asnjë gol! Statistikë e çuditshme për një sulmues. /Telegrafi/