Trajneri i Prishtinës, Zekirija Ramadani e ka përgëzuar Malishevën për lojën e treguar, në ndeshjen e xhiros së parë që përfundoi 1-1 në Supelrigën e Kosovës.
Malishevasit debutuan në elitën e futbollit kosovar, duke i marrë një pikë kampionit në fuqi.
Strategu i bardhëekaltërve ka përgëzuar Malishevën që ishte nikoqir në këtë takim, pasi sipas tij shfaq lojë të bukur.
“Përgëzoj Malishevën për lojën e treguar. Ne e fituam këtë pikë dhe jo Malisheva, pasi ata ishin deri në fund të ndeshjes në avantazh”, ka thënë Ramadani në një intervistë për ArtSport.
“Malisheva pati paraqitje të mirë kurse te ne nuk funksionoi mirë mesfusha. Morëm me tepër se që merituam, ndoshta një pikë shumë të madhe që ndoshta nuk e merituam”.
“Kishim iniciativë, por ajo nuk ishte aspak e rrezikshme” shtoi më tej trajneri i Prishtinës. /Telegrafi/