Trajneri i Izrealit, Elisha Levi, ka thënë se fitorja e ekipit të tij ndaj Shqipërisë ishte me meritë.
Megjithatë, ai pranon se kartonët në këtë ndeshje lehtësuan procesin për mysafirët.
“Luajtëm më mirë se Shqipëria që nga minuta e parë. Penalltia dhe kartoni i kuq na lehtësuan gjërat por ne ishim skuadra më e mirë në fushë. Kjo ishte fitorja më e thellë si trajner për mua dhe më bën krenar. Tani jemi gati dhe kemi një motivim më të madh për ndeshjen e radhës”.
“Bëmë një ndeshje të madhe, pasi luajtëm thjesht dhe pa e nënvlerësuar kundërshtarin. Zahavi ishte lojtari ynë kyç, ai bëri diferencën. Falënderojmë shqiptarët për mikpritjen, u ndjemë shumë të sigurt”, u shpreh Levi. /Telegrafi/