Galatasaray ka bërë të ditur se trajneri i tyre, Fatih Terim, është transferuar në spital për shkak të një problemi me traktin gastrointestinal.
Në deklaratën e bërë nga klubi verdhekuqe, thuhet se Fatih Terim ka pasur probleme me traktin gastrointestinal në tri ditët e fundit.
Mësohet se Fatih Terim në 24 orët e fundit i është nënshtruar kontrolleve dhe analizave të ndryshme në Stamboll, ndërsa sot ka nisur stërvitjen në krye të skuadrës pasi ka marrë leje të posaçme nga mjekët.
🦁 Aslanlarımız, Lazio maçı hazırlıklarına bugün gerçekleştirdiği idmanla devam etti! 💪 #LaziovGS #UEL pic.twitter.com/dBXeQUtrM7
— Galatasaray SK (@GalatasaraySK) December 7, 2021
Në deklaratë thuhet se 68-vjeçari është vëzhguar sërish në spital pas stërvitjes dhe është ndjekur me kujdes gjendja e tij.
Klubi ka cekur që sa më shpejtë që të merren rezultatet aq më shpejt publiku do të mësojë për gjendjen e tij. /Telegrafi/