Përzgjedhësi i Bullgarisë, Petar Hubchev, është shprehur o kënaqur me qëndrimin e lojtarëve të tij në ndeshjen kundër Kosovës, si dhe me paraqitjen në përgjithësi.
Pas barazimit ndaj Malit të Zi (1-1), bullgarët barazuan me të njëjtin rezultat edhe kundër Përfaqësues sonë në stadiumin “Fadil Vokrri”.
“Jam shumë i kënaqur me ambicien që dolëm në fushë, sidomos në pjesën e parë”, ka thënë trajneri bullgar për BNT, ndërsa citon Sportal.bg.
“Ajo që e thonë të gjithë trajnerët, secili gol, secila pikë është e rëndësishme. I kemi dy pikë deri më tani dhe sa e di jemi në vend të dytë (në Grupin A)”, ka shtuar trajneri bullgar.
Hubchev ka refuzuar të flasë në lidhje me thashethemet në mediat e vendit të tij se ai do të shkarkohet nga posti i përzgjedhësit. /Telegrafi/