Derbi i Drenicës ka përfunduar pa fitues, ku Feronikeli dhe Drenica mbyllën ndeshjen me rezultat 2-2.
Golat për Niklin i realizuan Albert Dabiqaj dhe Marko Miliçkoviq, ndërsa dy golat për ‘kuqezinjtë’ i realizoi Almedin Murati.
Pas ndeshjes ka folur trajneri i Feronikelit, Afrim Tovërlani, i cili thotë se është e pakuptueshme se sa lehtë i morën golat në këtë sfide.
“Është e pakuptueshme, dy herë na erdhi Drenica te porta dhe dy herë na realizoi. Gjyqtari nuk ishte i përgatitur për këtë nivel loje”.
Sipas Tovërlanit, skuadra e tij nuk po ka pushim si klubet tjera.
“Çdo javë kundërshtarët tonë po kanë nga një ditë më shumë pushimi, orari nuk është i duhuri sepse ne kemi zhvilluar 4 ndeshja brenda 9 ditësh”, ka thënë Tovërlani pas ndeshjes për ‘Art Sport’.
Feornikeli ka katër pikë pas tri ndeshjesh dhe mban pozitën e tretë. /Telegrafi/