Gareth Bale mund të rikthehet në Angli dhe te ish-skuadra e tij Tottenham Hotspur.
Sulmuesi uellsian nuk është duke kaluar momente të mira në Madrid pasi raportet e tij me trajnerin Zidane nuk janë më të mirat.
Londinezët janë gati ta rikthejnë Balen në skuadër dhe tani kanë përgatitur një ofertë për të.
Christian Eriksen nuk ka pranuar rinovimin e kontratës dhe Spurs duan ta heqin në janar për të përfituar nga shitja e tij.
Mediat angleze kanë raportuar se Tottenham dëshiron ta përfshijë danezin në ofertën për Gareth Balen.
Spurs kanë përgatitur një ofertë prej 30 milionë euro plus shërbimet e Eriksen për ta marrë Balen në Londër.
Mbetët të shihet nëse Reali do ta pranojë këtë ofertë, pasi Eriksen është një nga dëshirat e Zidanes. /Telegrafi/