Basketbollistët e Toronto Raprtors kanë siguruar një biletë për në çerekfinale të “Play-Off” të NBA-së pas fitores ndaj Indiana Pacers.
Raptors në ndeshjen e shtatë të zhvilluar në “Air Canada Center” ishin në nivel dhe fituan me rezultat 89:84. Kjo ishte triumfi i parë që nga viti 2001, kur kishin mposhtur atëkohë New York Knicks.
Toronto u udhëhoq nga Demar DeRozan me 30 pikë dhe 5 kërcime, ndërsa Jonas Valancunas realizoi ‘double-double’ me 10 pikë dhe 15 kërcime, raporton Telegrafi.
Në ekipin Indianas u dallua me lojë të mirë Paul George me ‘double-double’ prej 26 pikëve dhe 12 kërcimeve, ndërsa George Hill shënoi 19, përkatësisht 15 pikë shtoi Monta Elis.
Toronto në gjysmëfinale të Konferencës së Lindjes do të takohet me Miami Heat, të cilët kanë eliminuar edhe Charlotte Hornets me rezultat të përgjithshëm prej 4-3.
Nga ana tjetër, gjegjësisht në Konferencën e Perëndimit tashmë ka filluar seria e re – kampion aktual Golden State po udhëheq 1-0 kundër Portland TrailBlazzers. /Telegrafi/
