Dua Lipa është një ndër këngëtaret më të suksesshme shqiptare në rrafshin ndërkombëtar.
Këngëtarja javë më parë ka fituar dy çmime në festivalin britanik të muzikës, i njohur si Brit Awards.
E gjithë kjo në saje të hitit “New Rules”, i cili deri më tani është shikuar mbi një miliard herë në YouTube.
Por, duket se çmimet nuk kanë përfunduar për bukuroshen tonë pasi që së fundi ka marrë edhe një shpërblim.
Edhe projekti i ri ‘IDGAF’ ka korrur sukses të madh, ku kjo këngë është e certifikuar ‘Gold’ në Britani të madhe falë shitjeve të mëdha ndërsa është shikuar mbi 135 milionë herë në YouTube.
Kështu së paku ka bërë të ditur këngëtarja përmes llogarive personale të rrjeteve sociale teka i ka falënderuar të gjithë fansat.
Ndryshe, 22-vjeçarja është duke punuar në projekte të reja muzikore, të cilat do të jenë pjesë e albumit të ri muzikor. /Telegrafi/
