Një tjetër grabitje e armatosur ka ndodhur sot rreth orës 19:00 në Prishtinë.
Kësaj radhe cak i grabitjes ishte objekti i PTK-së në lagjen Bregu i Dellit në kryeqytet.
Lajmin për Telegrafin e ka konfirmuar zëdhënësja e policisë Flora Ahmeti.
“Pas marrjes së informacionit policia ka dalë në vendngjarje dhe bazuar në informacionet e para dyshohet që grabitja të jetë kryer nën kërcënimin e armës nga dy persona i dyshuar. Policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rrethanave të rastit”, ka thënë Ahmeti.
Telegrafi më herët ka raportuar për një grabitje në një institucion mikrofinanciar që ka ndodhur në lagjen Lakrishtë në Prishtinë. /Telegrafi/