Anjeza Branka ka vazhduar me publikimin e fotografive nga seti i ri fotografik në profilet e saja në rrjetet sociale.
Këngëtarja ka zgjedhur të pozojë para aparatit të fotografit Juxhin Kurti, ndërsa disa prej imazheve i ka postuar këto ditë në Instagram.
Ajo vjen mjaft tërheqëse në fotografitë e publikuara duke vënë në pah linjat e fizikut të saj.
“Ndoshta të dëshiroj… shumë. Por, të lutem asnjëherë mos mendo se kam nevojë për ty”, shkruan në përshkrimin e njërës prej fotografive.
Në disa prej imazheve të postuar, veshja që ka zgjedhur është e kombinuar me makijazhin e këngëtares dhe ajo duket për mrekulli.
Kujtojmë se gjatë verës Anjeza erdhi me një bashkëpunim me Nurteel me një projekt që u punua nga vet kantautori, i cili është edhe në interpretim. Asokohe, ai bashkëpunoi, si zakonisht, me Granit Gashin (ku të dy janë pronarë të Massive Production) për realizmin e këtij dueti. /Telegrafi/
