Real Madridi humbi një mundësi tjetër për të dalë në krye të La Ligas të shtunën në mbrëmje, pasi barazuan pa gol në shtëpi ndaj Real Betisit.
Rasti iu erdhi pas humbjes së Barcelonës ndaj Levante dhe barazimit të Atletico Madrid ndaj Sevillas.
Por skuadra e Zinedine Zidane lëshoi sërish pikë dhe ende nuk janë në gjendje t’i marrin tri fitore radhazi që nga kthimi i tij në bankë.
Edhe Barcelona vazhdon me pengesa, pasi edhe ata kanë problemet e tyre nën drejtimin e Ernesto Valverdes.
Edhe pse ishin duke fituar 1-0 në pjesën e parë, ata kapituluan pas pushimit duke dorëzuar me rezultat 3-1.
Në 11 ndeshje këtë sezon katalanasit kanë humbur tre herë, të njëjtin numër të humbjeve që e kishin në tërë sezonin 2018/19.
Atletico është e treta (21 pikë) dhe Sevilla qëndron në vendin e katërt, me vetëm një pikë më pak se Barcelona (22) dhe Los Blancos që janë më pikë të barabarta me. Të dyja ndanë pikët në Estadio Sanchez Pizjuan në një barazim 1-1.
Vërehet rënia e Granadas dhe ngjitja e Real Sociedad që po ashtu ka 22 pikë, sa Barcelona e Reali.
#LaLiga table:
Barcelona 22 points
Real Madrid 22 points
Sociedad 22 points
Atletico 21 points
Sevilla 21 points
Granada 20 points
Getafe 19 points
Villarreal 18 points
Osasuna 18 points
Athletic Bilbao 17 points5 points separate top 10 teams in Spain!https://t.co/vkn4oBA3uE
— Firstpost Sports (@FirstpostSports) November 4, 2019
La Liga mbetet e hapur, dhe vetëm një xhiro mund ta ndryshojë situatën, por duket se asnjëra nga të mëdhatë nuk po e duan fitoren me çdo kusht që ta rrëmbejnë lidershipin. /Telegrafi/