Kur janë numëruar mbi 56% e votave në nivel vendi, PS vazhdon kryesimin ndaj subjekteve opozitare.
Ndër qarqet më vendimtare për rezultatin e përgjithshëm është ai i Tiranës i cili nxjerr më së shumti deputetë.
Kur janë numëruar rreth 38% e votave, në Tiranë PS kryeson me rreth 48%, PD ka 39.5% të votave, LSI aktualisht ka 6% të votave, ndërsa PSD ka 3.15% të votave.
Me këto rezultate, aktualisht në Tiranë PS merr 18 deputetë, PD-15, LSI-2, PSD-1.
Kandidati i mbështetura nga Lëvizja Vetëvendosje, Boiken Abazi aktualisht renditet i gjashti në Tiranë, me 1067 vota apo 0.63%. Ky rezultat nuk ia siguron mandatin e deputetit.
Në nivel vendi projeksionet tregojnë se PS aktualisht ka 76 mandate, PD – 57, LSI – 5, PSD – 2.
Kuvendi i Shqipërisë ka 140 deputetë dhe për të formuar qeverinë nevojitet shumica e thjeshtë prej 71 deputetëve./Telegrafi/
