Tregut shqiptar tash e një kohë i janë bashkuar shumë rep-artiste, të cilat po e tregojnë çdo ditë e më shumë talentin për këtë zhanër muzikor.
Njëra prej tyre është edhe Tika Behrami, e cila para publikut të gjerë është prezantuar për herë të parë në bashkëpunim me reperin 2 Ton.
Pasi arriti sukses të bollshëm, ajo tashmë po qëndron aktive në prurjet muzikore solo, e që po pëlqehen në masë të madhe.
Së fundmi, përmes një postimi në rrjetin social Instagram, Tika ka bërë të ditur se ka publikuar këngën më të re.
“Heroina” titullohet projekti i radhës, tekstin e së cilës e ka shkruar vet reperja, ndërsa për instrumentalin është përkujdesur Nurteel.
Sikurse edhe në disa klipe të tjera, edhe në këtë të fundit ajo është shfaqur mjaft tërheqëse, krejt kjo falë XL Films.
Ndërkaq, kënga është publikuar në platformën YouTube, dhe ka rezultuar të jetë e pëlqyer nga adhuruesit e muzikës së saj. /Telegrafi/
