Tifozët e Përfaqësueses së Zvicrës janë përkujdesur të tallen me Italinë pas dështimit të tyre të fundit për t’u kualifikuar në Kupën e Botës “Katar 2022”.
Zvicra dhe Italia ishin në grupin e njëjtë, atë C, në kuadër të kualifikimeve për Kupën e Botës të këtij viti në Katar.
Helvetikët arritën ta mbyllin Grupin në vendin e parë duke siguruar kualifikimin direkt në Kupën e Botës, ndërsa Italia mbeti e dyti.
Keshtu, Italia u desh ta kërkonte kualifikimin me anë të ndeshjeve “Play-Off”, ku në short nuk i ra ndeshje e vështirë në letër.
Azurrët u shortuan me Maqedoninë e Veriut për ndeshjen gjysmëfinale dhe në finale do takoheshin me njërën mes Portugalisë dhe Turqisë.
Megjithatë, ekipi i Roberto Mancini u befasua nga ballkanikët duke u mposhtur me rezultat 1-0 dhe duke u eliminuar përfundimisht për një kualifikim në Kupën e Botës.
Ky eliminim ka bërë që tifozët e Zvicrës të tallen me Italinë gjatë ndeshjes së sotme (e shtunë) miqësore me Anglisë, e cila u mbyll 2-1 për Tre Luanët.
Tifozët e Zvicrës i kishin kushtuar një pankartë duke kërkuar në Google: “Italia në Kupën e Botës Katar 2022”, ndërsa faqja e njohur ia sugjeronte “E keni fjalën: Zvicra”. /Telegrafi/
Switzerland fans 💀 pic.twitter.com/J1MTFEb5KO
— B/R Football (@brfootball) March 26, 2022