Tifozë të Shqipërisë akuzohen se kanë plagosur dy tifozë në Lyon, një të Francës dhe një tjetër të Belgjikës.
Pas incidenteve mes tifozëve të Anglisë e Rusisë, ka ndodhur një ku kanë marrë pjesë tifozët e Shqipërisë.
Sipas policisë franceze, në “fanzonën” e ndërtuar në Lyon ku Shqipëria luan të dielën ndaj Rumanisë, kanë mbetur të plagosur një shtetas francez dhe një shtetas belg.
Ata janë sulmuar me thika nga dy tifozë shqiptarë gjatë pjesës së dytë të ndeshjes ndaj Francës.
Policia nuk ka arritur t’i arrestojë sulmuesit.