Pas humbjes së Lionel Messit, Neymarit dhe Kylian Mbappes në harkun kohor të një viti, Paris Saint-Germain është në kërkim të superyjeve të rinj për të rinovuar ekipin, me emra si Victor Osimhen dhe Khvicha Kvaratskhelia që janë në radarin e tyre.
Megjithatë, disa tifozë po i kërkojnë presidentit Nasser Al-Khelaifi të transferojë sensacionin e Barcelonës, Lamine Yamal.
Ata e bënë të qartë kërkesën e tyre ndërsa Al-Khelaifi ishte në Paris me pishtarin olimpik, duke u përgatitur për hapjen e Lojërave Olimpike.
I riu i Barcelonës ka pasur një vit të spikatur, duke ndihmuar Spanjën të fitojë Euro 2024 dhe duke impresionuar me klubin e tij.
Ai është një nga lojtarët më të kërkuar në futboll për momentin.
Sidoqoftë, me një kontratë në Camp Nou deri në vitin 2026 dhe një klauzolë lirimi të vendosur në një miliard euro, Lamine nuk do të shkojë askund së shpejti. /Telegrafi/