Tifozët e Napolit po protestojnë, pasi Gonzalo Higuain ka rënë dakord për një transferim prej 94.7 milionë euro në Juventus, duke e akuzuar atë për tradhti.
Burime të shumta konfirmojnë se lojtari ka bërë një test sekret mjekësor në Madrid dje, në praninë e drejtorëve, Juve Fabio Paratici dhe Beppe Marotta, pasi bianconerët janë të gatshëm të paguajnë klauzolën e plotë të lirimin prej 94.7 milionë euro në kontratën e tij.
Tifozët kanë reaguar me zemërim ndaj ‘El Pipitas’, i cili sezonin e kaluar theu rekordin nga 1960-ta të golave në Serie, me 36 gola në 35 ndeshje.
Ata u mblodhën në qendër të qytetit të Napolit për të heq dore fotografitë e lojtarit dhe i vunë zjarrin fanellave të tij, ndërsa të tjerët ndanë imazhet në mediet sociale, ku shihej fanella e tij e hedhur në tualete.
“Ne jemi të zemëruar. Kjo nuk është mënyra për tu sjellë me ne”, ka thënë protestuesi Enzo D’Aniello për agjencinë e lajmeve ANSA, transmeton Telegrafi.
“Higuain ishte më shumë se një lojtar për ne, ai ishte një simbol dhe na tradhtoi pa menduar dy herë. Ai provoi atë që ai ka bërë me të vërtetë. Diego Maradona nuk do të kishte bërë këtë”, përfundoi tifozi i Napolit.
Ndryshe, ka pasur edhe parulla të shumta fyese brenda stadiumit në ndeshjen miqësore të kësaj mbrëmjeje mes Napolit dhe Trento.