Tifozët e Barcelonës e fyejnë rëndë Dembelen

Situata e Ousmane Dembeles te Barcelona mund të jetë e komplikuar nga tani deri në fund të sezonit.

Pas prishjes së negociatave për rinovimin e tij, francezi qëndron deri më 30 qershor në pritje për të zbuluar se çfarë roli ka në mendje Xavi për të.

Ajo që është e qartë është se planet e trajnerit mund të shkojnë nga njëra anë, por ato të tifozëve nga ana tjetër.

Lexo po ashtu Barcelona publikon listën për derbin me Atleticon - përfshihen edhe prurjet e reja

Klubi ka frikë se loja në shtëpi do të bëhet ferr për francezin dhe duke gjykuar nga ajo që u kap nga kamerat e “Deportes Cuatro” mëngjesin e kësaj të shtune, skena të pakëndshme dhe të qortueshme mund të përsëriten nga tani deri në fund të sezonit.

Media e lartpërmendur mëngjesin e kësaj të shtune shfaqi atë se si disa tifozë nuk e respektuan lojtarin, duke e quajtur atë mercenar kur ai hyri në Ciutat Esportiva me makinën e tij para se të fillonte stërvitjen e mëngjesit. /Telegrafi/