Tifozët e Arsenalit kanë shprehur zemërimin e tyre në rrjetet sociale pas përfundimit të derbit ndaj Manchester Cityt që përfundoi me rezultat të barabartë 2-2.
‘Topçinjtë’ u dukën në rrugë të mbarë për të marrë tri pikët në ‘Etihad’, por një gol i vonë nga John Stones bëri që ‘Qytetarët’ të ‘rrëmbejnë’ një pikë nga ky duel.
Duke reaguar në rrjetet sociale, tifozët e Arsenalit nuk ishin të lumtur me angazhimin e Gabriel Jesus i cili u inkuadrua në fushë në pjesën e dytë.
Një tifoz shkroi në platformën X: Unë jam i mërzitur me Gabriel Jesus tani. Gjithçka që duhej të bëje ishte që të largoje topin nga porta jonë dhe jo t’iu dhurojë një rivënie këndore të panevojshme”, ka thënë një tifoz.
Një i dytë tha: E fajësoj vetëm një person, Gabriel Jesus. Ju lutem më tregoni pse ai e ktheu topin, vetëm largojeni atë.
Dikush tjetër shkroi: Unë dua që Gabriel Jesus të shitet në janar. Ai na humbi ndeshjen me budallallëkun e tij.
Përndryshe me këtë barazim, Arsenali momentalisht mban pozitën e katërt në tabelën e klasifikimit me 11 pikë të grumbulluara, ndërsa ndeshjen e ardhshme do të luajë ndaj Leicester Cityt në shtëpi./Telegrafi/