Rapinha ka reaguar ashpër ndaj tifozëve të Brazilit për trajtimin që po ia bëjnë Neymarit rreth lëndimit të pësuar.
Ylli i Paris Saint-Germain pësoi lëndim në fitoren 2-0 ndaj serbëve në kuadër të Kampionatit Botëror, derisa ka përfunduar për të kjo fazë e grupeve dhe pritet të rikthehet në fazën e eliminimit direkt, nëse ekipi ia del ta kalojë këtë fazë.
Por, anëtari i Barcelonës ka kritikuar ashpër tifozët e Brazilit, duke u thënë se ata duhet të marrin shembull nga ata të Argjentinës dhe Portugalisë, se si trajtohet Lionel Messi, respektivisht Ronaldo.
“Tifozët e Argjentinës e trajtojnë Messin si Zot, tifozët e Portugalisë e trajtojnë Ronaldon si një mbret, ndërsa tifozët e Brazilit brohorasin që Neymar t’i thyejnë këmbën”.
“Sa e trishtueshme, gabimi më i madh në karrierën e Neymar është lindja në Brazil. Ky vend nuk e meriton talentin dhe futbollin e tij”, ka shkruar Raphinha në Instagram.
Brazili ndeshjen e dytë në këtë Botëror e luan ndaj Zvicrës të hënë e javës që po vije nga ora 17:00, dhe në rast të fitores, do ta kalonin grupin G. /Telegrafi/
