Barcelona po e konsideron ish-sulmuesin e tyre Thierry Henry si një zëvendësim të trajnerit në largim, Quique Setien.
Ish-sulmuesi aktualisht është trajner i skuadrës së MLS, Montreal Impact dhe ka udhëhequr ekipin në vetëm një fitore nga gjashtë ndeshjet e tij deri më tani.
Francezi më parë ishte ndihmës-trajner i Roberto Martinez te Belgjikë para se të merrte punën e tij të parë menaxheriale te Monaco, ku ai shijoi fitoren vetëm katër herë në 20 ndeshje para se të pushohej nga puna në janar të vitit të kaluar.
Henry shënoi 49 gola për Blaugranët gjatë tre sezoneve dhe tani është në listën e shkurtër menaxheriale të tyre, për të cilën thuhet se përfshin edhe ish-mbrojtësin e Barcelonës, Ronald Koeman – trajneri aktual i Holandës.
Massimiliano Allegri, i cili është aktualisht pa punë dhe Mauricio Pochettino thuhet se janë në listën e shkurtër, por Xavi Hernandez nuk është pasi ai nuk ka asnjë interes për të marrë rolin aktualisht.
Sipas mediumit Diario Sport, Barcelona do të fillojë kontakte me përfaqësuesit e Henryt, Pochettinos, Allegrit dhe Koemanit këtë fundjavë, pasi ata kërkojnë të përmirësojnë listën e tyre të shkurtër.
Setien është vendosur të pushohet nga Barcelona të hënën pasi klubi thirri një takim të jashtëzakonshëm të bordit pas eliminimit të turpshëm nga Liga e Kampionëve. /Telegrafi/