Telegrafi

Thiago Silva kërkon të vazhdojë kontratën me PSG-në

Mbrojtësi brazilian, Thiago Silva pritet të largohet nga Paris Saint Germain gjatë afatit kalimtar të janarit.

Pasi nuk po gjen gjuhë të përbashkët për vazhdimin e kontratës me gjigantin francez, Silva do të largohet nga ‘Parc De Princes’.

Lexo po ashtu Zbulohen katër skuadrat e mëdha që e dëshirojnë Thiago Silvan

Por, braziliani kërkon të vazhdojë kontratën me skuadrën parisiene dhe se pret që shumë shpejt do të arrihet marrëveshja e re, transmeton Telegrafi.

“Nuk më takon mua të vendos, ne duhet të ulemi dhe të bisedojmë”, ka thënë Silva.

“Në përfundim të stinorit të shkuar nisëm bisedimet me klubin, por ato u ndalën përnjëherë dhe nuk e di arsyen pse”.

“Më duhet që ta pranoj se jam shumë i lumtur këtu dhe dua ta vazhdojë kontratën. Do të bisedoj me presidentin për të mësuar më shumë rreth së ardhmes time”, ka deklaruar lojtari. /Telegrafi/