Një rast i rëndë ka ndodhur mbrëmjen e së dielës në Fushë Kosovë, ku një person u ther me thikë për vdekje.
Zëdhënësja e policisë për Rajonin e Prishtinës thotë se personi në fjalë nuk ka mundur t’i mbijetojë plagëve të marra, derisa vdekja e tij është konfirmuar nga ekipi mjekësor.
“Sot rreth orës 22:00 policia ka marrë informatën për një lëndim të rëndë trupor, në rrugën “Pjetër Budi”, në Fushë Kosovë. Menjëherë në vendin e ngjarjes kanë dalë njësitet e nevojshme policore. Bazuar në të dhënat fillestare, dyshohet se nga një mjet i mprehtë, lëndime të rënda trupore, ka pësuar një person, A.H, mashkull 41 vjeç, i cili është dërguar për tretman mjekësor, në QKUK, nga ku jemi njoftuar se personi i lënduar nuk ka arritë të përballoj plagët dhe i njëjti ka ndërruar jetë”, ka njoftuar Ahmeti.
Hetuesit policor, në koordinim me prokurorin e shtetit janë duke punuar në ndriçimin, sqarimin e të gjitha rrethanave që kanë të bëjnë me këtë ngjarje.